የአለም አቀፉ የገንዘብ ድርጅት (IMF) ባወጣው መረጃ መሰረት፣ የኢትዮጵያ የሸቀጥ የወጪ ንግድ በ2017 በጀት ዓመት ከፍተኛ ዕድገት አሳይቷል። ይህ ዕድገት የወጪ ንግዱ ለሀገሪቱ አጠቃላይ የሀገር ውስጥ ምርት (GDP) ያለው ድርሻ በከፍተኛ መጠን እንዲያድግ አድርጓል። ዓለም አቀፉ የገንዘብ ድርጅት እንዳስታወቀው፣ በ2016 በጀት ዓመት 1.8 በመቶ የነበረው የወጪ ንግድ ድርሻ፣ በ2017 በጀት ዓመት ወደ 5.1 በመቶ ያድጋል ተብሎ ይጠበቃል። ይህ ማለት የ183 በመቶ ዕድገት ታይቷል ማለት ነው።
ይህ ውጤት የተገኘው በ2017 በጀት ዓመት ወርቅ እና ቡና ለወጪ ንግዱ ዕድገት ትልቅ አስተዋፅኦ በማድረጋቸው ነው። በዚህም ኢትዮጵያ 8.3 ቢሊዮን ዶላር ማግኘት ችላለች። የመንግስት መረጃዎች እንደሚያሳዩት፣ የኢትዮጵያ አጠቃላይ የሀገር ውስጥ ምርት (GDP) በውጭ ምንዛሬ ከ100 ቢሊዮን ዶላር በላይ እንደሚገመት ይጠበቃል። ይህ ደግሞ የወጪ ንግዱ ድርሻ በከፍተኛ ሁኔታ መጨመሩን የሚያሳይ ነው።